Добро дојдовте на нашата веб страна
Во првите шест месеци од 2020 година пазарите на капитал се карактеризираа со невидена волатилност досега. Од огромни падови во првиот квартал до рекордни растежи во вториот квартал.
Американскиот акциски индекс имаше највисок квартален пораст во последниве 20 години, додека во исто време економијата забележа рекорден пад. Одржувањето на ниски каматни стапки, како и другите фискални и монетарни стимули, придонесоа за ваквата ситуација.
Како ќе се движат пазарите во втората половина од годината? Никој не би можел да предвиди, но дефинитивно волатилноста на пазарите ќе биде присутна, а цените на акциите и порастот на економијата ќе зависат од тоа како ќе се развива пандемијата и појавата на вакцината, што се гледа како единствен спас и за населението и за економиите ширум светот.
Во прилог е месечниот извештај за пазарите за јули 2020 година, што КБ Прво пензиско друштво го подготви за вас:
Во јули, на пазарите на капитал дојде до привремена рамнотежа помеѓу стравот (ризик од силен втор бран, ниски приноси на обврзниците, високи валуации на акциите и високи цени на златото) и очекувањата (позитивни ефекти од повторно отворање на економијата). Но, големото прашање е: Што понатаму? Сите одговори сè уште нè водат по неизвесниот пат на вирусот. Според познавачите на вирусите, патот е многу долг за широката достапност на вакцината. Од друга страна, проекциите за пораст на економијата во следната година, според сите релевантни институции, се позитивни во очекување на ефектите од фискалните и монетарните стимули во економиите.
Во прилог е месечниот извештај за пазарите за јули 2020 година, што КБ Прво пензиско друштво го подготви за вас:
Жешкото лето и високите температури ги вжештија и берзите. Август по многу бројки предизвика рекорди. Американскиот индекс S&P 500 го имаше најдобриот август од 1986 година.
Цените на акциите пораснаа благодарение на раните резултати од испитувањето на вакцината за Ковид-19 и извештајот за работни места што беше подобар од очекуваното.
Од досега објавените резултати на американските компании, над 85% покажуваат поголем профит од очекувањата на аналитичарите, а особено компаниите од секторите фармација и технологија.
Во прилог е месечниот извештај за пазарите за август 2020 година, што КБ Прво пензиско друштво го подготви за вас:
Во септември, информациите за зголемениот број заразени од коронавирусот во Европа, како и неизвесноста поврзана со претседателските избори во Соединетите Американски Држави доведоа до запирање на позитивниот тренд на пазарите на капитал, што траеше од март – по големиот пад на пазарите предизвикан од пандемијата со Ковид-19.
Падот на пазарите на капитал во септември доаѓа по, според многу бројки, рекордниот пораст во август, што може да се толкува и како навестување за неизвесна есен.
Во прилог е месечниот извештај за пазарите за септември 2020 година, што КБ Прво пензиско друштво го подготви за вас:
Зголемувањето на бројот на активни Ковид-19 случаи во Европа, неизвесностите што произлегуваат од претседателските избори во Соединетите Американски Држави, како и сè побројните анализи за можна корекција на цените на акциите на технолошките компании, доведоа до голема волатилност на финансиските пазари и намалување на вредноста на индексот на глобалниот пазар на капитал (MSCI ACWI) во текот на октомври.
Во прилог е месечниот извештај за пазарите за октомври 2020 година, што КБ Прво пензиско друштво го подготви за вас:
Позитивните вести за развојот на вакцините против Ковид-19 и перцепцијата на пазарите за резултатите од претседателските избори во Соединетите Американски Држави беа поттик за позитивните движења на глобалните финансиски пазари во текот на ноември.
Во прилог е месечниот извештај за пазарите за ноември 2020 година, што КБ Прво пензиско друштво го подготви за вас:
Почетокот на вакцинацијата против Ковид-19 го зголеми оптимизмот кој и досега владееше кај инвеститорите, така што го продолжи позитивниот тренд на пазарите на капитал. Растот на оптимизмот во последниот месец од неизвесната 2020 година придонесе повеќе светски акциски индекси да постигнат нови ценовни рекорди.
Во прилог е месечниот извештај за пазарите за месец декември 2020 година, што КБ Прво пензиско друштво го подготви за Вас.
